Ermənistan ordusunun keçmiş Baş Qərargah rəisi məhkəməyə çağırılıb

Ermənistan Silahlı Qüvvələrinin keçmiş baş qərargah rəisi Movses Akopyan məhkəməyə çağırılıb.

“Report” “Sputnik Armeniya”ya istinadən xəbər verir ki, bu barədə yerli “Joxovurd” qəzeti yazıb.

Nəşrin məlumatına görə o, dövlət sirrini yaymaqda ittiham olunur.

İddiaya görə, Akopyan 44 günlük müharibədən 10 gün sonra keçirdiyi mətbuat konfransında ölkənin ali rəhbərliyinə qarşı ittihamlar səsləndirib. O, hakimiyyəti istifadəyə yararsız zenit silahların alınmasında, pulun mənimsənilməsində, savaşın üçüncü günü səfərbərliyin dayandırılmasında ittiham edib.

Bundan sonra keçmiş baş qərargah rəisinə cinayət işi açılıb.

Akopyan isə ittihamları yalanlayır.