Ermənistan Hindistandan 78 ədəd artilleriya sistemi almaq istəyir

Ermənistan Hindistandan 78 ədəd ATAGS artilleriya sisteminin alınması ilə bağlı danışıqlar aparır.

“Report” yerli KİV-lərə istinadən xəbər verir ki, bu barədə “Indian Defence Research Wing” (IDRW) nəşri yazıb.

Məqalədə qeyd olunub ki, bu razılaşma Ermənistan və Hindistan arasında artan müdafiə əməkdaşlıqda növbəti mərhələdir.

Bildirilib ki, altı haubitsadan ibarət ilk partiya Ermənistanda, o cümlədən dağlıq ərazilərdə və düzənlikdə sınaqdan keçirilib. Sınaqlar uzaq məsafələrdə dəqiqliyi və yüksək etibarlılığı təsdiqləyib ki, bu da Ermənistan hakimiyyətini daha böyük həcmdə alış imkanlarını nəzərdən keçirməyə sövq edib.