Ermənistanda Yerevan-Meğri avtomobil yolunun 204-cü kilometrliyində “Lexus” və “VAZ-2106” markalı minik avtomobillərinin toqquşması nəticəsində 2 nəfər ölüb, daha 2-si hərbçi olmaqla 5 nəfər yaralanıb.
“Report” “Novosti Armeniya”ya istinadən xəbər verir ki, ölən və yaralananların kimliyi barədə məlumat gecə yayılıb.
Bildirilib ki, “Lexus”dakı 3 yaşlı uşaq və Anqeqahot kəndinin sakini ölüb. Yaralılar xəstəxanaya yerləşdiriliblər.
Məlumata görə, "VAZ-2106"nın sürücüsü və sərnişini Ermənistan Silahlı Qüvvələrinin hərbçiləridir.