Ermənistan "Eurovision"da iştirak etməyəcək

Ermənistan bu il keçiriləcək “Eurovision” mahnı müsabiqəsində iştirak etməyəcək.

“Report” xəbər verir ki, ölkənin İctimai Televiziyası H1 feysbuk səhifəsində bu barədə xəbər paylaşıb.

“Ətraflı müzakirələr və danışıqlardan sonra H1 bildirir ki, Ermənistan bu il "Eurovision" beynəlxalq mahnı müsabiqəsində iştirak etməyəcək”, - deyə qeyd olunduğu açıqlamada son hadisələr, vaxt çatışmazlığı və s. obyektiv səbəblərdən ölkənin bu nüfuzlu müsabiqədə layiqincə təmsil etməyin mümkün olmadığı bildirilir.