Ermənistan Baş Prokurorluğu aksiyalar səbəbindən yol qəzalarının artdığını açıqlayıb

Bakı. 26 aprel. REPORT.AZ/ Son on gün ərzində Yerevanda kütləvi etiraz aksiyaları səbəbindən yol qəzalarının sayı nəzərə çarpacaq dərəcədə artıb.

"Report"un "RİA Novosti"yə istinadən verdiyi xəbərə görə, bu barədə Ermənistan Baş Prokurorluğu məlumat yayıb.

"2018-ci ilin ilk üç ayında Yerevanda baş vermiş 133 yol qəzasında 17 nəfər ölüb. Yalnız son 10 gündə 5 nəfərin ölümü ilə nəticələnən 62 yol qəzası qeydə alınıb", - məlumatda deyilir.