Ermənistan baş nazirinin keçmiş müavini də istintaqa çağırılıb

Bakı. 27 iyul. REPORT.AZ/ Ermənistan baş nazirinin keçmiş müavini Armen Gevorkyan Xüsusi İstintaq Xidmətinə çağırılıb.

“Report” Ermənistan KİV-inə istinadən xəbər verir ki, məlumatı xidmətin mətbuat katibliyi yayıb.

O, 2008-c il martın 1-2-də baş vermiş hadisələrlə bağlı açılan cinayət işi üzrə dindiriləcək.

Məsələnin detalları haqqında əlavə informasiya verilməyib. 

Qeyd edək ki, A.Gevorkyan 2007-ci ilin iyunundan 2008-ci ilin aprelindədək Ermənistan Təhlüksizlik Şurasının katibi vəzifəsində işləyib. Bu şuranın sədri isə Ermənistan prezidentidir. O vaxt quruma sədrliyi Robert Koçaryan edib. 

A.Gevorkyan 2018-ci ilin aprel hadisələri zamanı baş nazirin müavini vəzifəsini tuturdu. O, həmin dövrdə Moskvaya çağırılmış Ermənistan rəsmilərindən biri idi.