Ərdoğan Xəzinədarlıq və maliyyə nazirinin istefasını qəbul edib

Türkiyə Prezidenti Rəcəb Tayyib Ərdoğan Xəzinədarlıq və maliyyə naziri Berat Albayrakın istefasını qəbul edib.

“Report” xəbər verir ki, bu barədə Türkiyə liderinin dəftərxanasından bildirilib.

Qeyd edək ki, Xəzinədarlıq və maliyyə naziri Berat Albayrak ötən gün səhhətində yaranan problemə görə istefaya getdiyini açıqlayıb. Bu barədə o, özünün instaqramdakı hesabında yazıb.

"Mən beş illik işdən sonra səhhətimlə əlaqədar nazir kimi fəaliyyəti davam etdirməmək barədə qərar qəbul etdim", - Albayrak İnstaqramdakı səhifəsində qeyd edib.