Ərdoğan: "Rusiya-Ukrayna prezidentlərinin görüşünə ev sahibliyi etməyə hazırıq"

“Dünya sizdən gələn müjdələri gözləyir”.

“Report” xəbər verir ki, bunu Türkiyə Prezidenti Rəcəb Tayyib Ərdoğan Rusiya və Ukrayna nümayəndə heyətləri ilə görüşdə deyib.

“Sizin müzakirələrdə əldə etdiyiniz nəticə növbəti mərhələdə liderlər səviyyəsində təması da təmin edə bilər”, - o bildirib.

R.T.Ərdoğan vurğulayıb ki, Türkiyə Rusiya Prezidenti Vladimir Putin və Ukrayna lideri Volodimir Zelenskinin görüşünə ev sahibliyi etməyə hazırdır.