Ərdoğan Qırğızıstana səfər edə bilər

“Türkiyə Prezidenti Rəcəb Tayyib Ərdoğanı ən qısa vaxtda Qırğızıstanda gözləyirik”.

“Report” xəbər verir ki, bunu Qırğız Respublikasının xarici işlər naziri Ceenbek Kulubayev türkiyəli həmkarı Mövlud Çavuşoğlu ilə birgə keçirdiyi mətbuat konfransında deyib.

“Dövlət başçımız Ərdoğanı səbirsizliklə gözləyir. İki ölkə rəhbərləri yaxın zamanda görüşə bilər. Türkiyənin dəstəyini indiyədək hiss edirik. Bu arada iki ölkə arasında humanitar yardım ən yüksək səviyyədədir”, - o söyləyib.