Ərdoğan: “1 il ərzində təbii fəlakətlərin vurduğu ziyan tam aradan qaldırılacaq”

“1 il ərzində təbii fəlakətlərin vurduğu zərərlər tam aradan qaldırılacaq”.

“Report” xəbər verir ki, bunu Türkiyə Prezidenti Rəcəb Tayyib Ərdoğan Ədalət və İnkişaf Partiyasının (AKP) Kahramanmaraş təşkilatının genişləndirilmiş toplantısında çıxışı zamanı söyləyib.

“Dövlətimiz artıq 80-90-cu illərin dövləti deyil. Bu gün hədəfləri ilə birgə böyük bir Türkiyə Cümhuriyyəti var. On minlərlə personal və vasitələrlə fəlakət bölgəsində böyük işlər gördük. 1 il ərzində təbii fəlakətlərin vurduğu zərərlər tam aradan qaldırılacaq. İşlər davam etdirilir. Biz bunu Van zəlzələsində göstərmişik. Ziyan görmüş bütün insanların zərərləri ödəniləcək, mənzilləri tikilib təhvil veriləcək”, - o qeyd edib.