Kanada Əli Xameneini və SEPAH-ı məhkəməyə verdi

Kanadanın bir qrup hüquqşünası Tehranda Ukrayna hava yollarına məxsus “Boeing 737” təyyarəsinin qəzaya uğraması ilə əlaqədar İranı məhkəməyə veriblər.

Bu barədə “Report” “Reuters” agentliyinə istinadən xəbər verir.

Bildirilir ki, qəzada həlak olanların qohumları adından irəi sürülən kollektiv iddiada ən azı 1,5 milyard Kanada dolları (1,1 milyard ABŞ dolları) təzminat kompensasiya tələb edirlər.

Cavabdeh qismində İran, ölkənin ali rəhbəri ayətullah Seyid Əli Xamenei, İslam İnqilabı Keşikçiləri Korpusunun (“SEPAH”) “Qüds” qanadı çıxış edirlər. İddianın mətnində güman edilir ki, təyyarə qəzası qəsdən və şüurlu şəkildə törədilən terror aktı olub.