Əkrəm İmamoğlu prokuroru təhqir etdiyi üçün 1 il 8 ay azadlıqdan məhrum edilib

Türkiyənin İstanbul Böyük Şəhər Bələdiyyəsinin vəzifədən uzaqlaşdırılan sədri Əkrem İmamoğlu barəsində bir il səkkiz ay həbs cəzası verilməsi haqqında qərar qəbul olunub.

“Report” xəbər verir ki, məlumatı “Haber Global” yayıb.

Bildirilib ki, Əkrəm İmamoğlu bu ilin yanvarında İstanbul Respublika Baş Prokuroru Akın Gürlək və ailəsi ilə bağlı işlətdiyi ifadələrə görə “Dövlət məmuruna qarşı vəzifəsindən dolayı açıq şəkildə təhqir”, “Təhdid” və “Terrorla mübarizədə vəzifə almış şəxsləri hədəf göstərmək” ittihamı üzrə başlayan məhkəmədə onun siyasi qadağa olmadan ümumilikdə bir il səkkiz ay müddətinə azadlıqdan məhrum edilməsi haqqına qərar çıxarılıb.