Dünya Bankı Ukraynaya 11 milyard dollar maliyyə yardımı edib

Dünya Bankının Ukraynaya təcili yardım üçün ayırdığı 13 milyard ABŞ dollarının 11 milyardı rəsmi Kiyevə çatdırılıb.

“Report” TASS-a istinadən xəbər verir ki, bunu Dünya Bankının prezidenti Devid Melpas Stenford Universitetində (Kaliforniya) çıxışı zamanı deyib.

“Dünya Bankı ikitərəfli layihələr və tərəfdaşları sayəsində Ukraynaya ümumilikdə 13 milyard dollar məbləğində təcili maliyyə yardımı ayırıb. Eyni zamanda, layihələrimiz və trast fondlarımız vasitəsilə artıq 11 milyard dollar bölüşdürülüb”, - o vurğulayıb.

Xatırladaq ki, bu il avqustun əvvəlində Dünya Bankı tərəfindən 6,3 milyard dollardan çox maliyyə yardımı Ukrayna hakimiyyətinə verilib.