Denis Şmıqal: “Beynəlxalq tərəfdaşlar Ukraynaya 115 milyard dollar vəsait ayıracaq”

“Beynəlxalq tərəfdaşlar bərpa işlərinin aparılması üçün Ukraynaya 115 milyard ABŞ dolları verəcək”.

“Report” TASS-a istinadən bildirir ki, bunu Ukraynanın Baş naziri Denis Şmıqal bildirib.

"Bu, təkcə maliyyə sabitliyimizi təmin etməyəcək, həm də müttəfiqlərimizin Ukraynaya lazım olduğu müddətdə dəstək verəcəyinə dair aydın siqnal olacaq", - o teleqram kanalında yazıb.

Hökumət rəhbərinin sözlərinə görə, bu il sürətli bərpa layihələri üçün 14 milyard ABŞ dollarına ehtiyac var: "Biz lazımi vəsaiti bu yay cəlb etmək üçün tərəfdaşlarla danışıqlar aparırıq".

D.Şmıqal həmçinin ABŞ-a, Avropa İttifaqına (Aİ), Dünya Bankına (DB), Beynəlxalq Valyuta Fonduna (IMF), "Böyük yeddilik" (G7) ölkələrinə və bərpa işlərinə başlamağa kömək edən bütün beynəlxalq tərəfdaşlara minnətdarlığını bildirib.