David Zalkaliani: “Azərbaycanla strateji tərəfdaşlığın inkişafı Gürcüstan üçün prioritet olub”

“Cari ildə Qarabağda hərbi əməliyyatların bərpası və bölgədə eskalasiya Gürcüstan üçün müəyyən problemlərə səbəb oldu”.

“Report”un yerli bürosu xəbər verir ki, bunu Gürcüstanın Xarici İşlər naziri David Zalkaliani deyib.

Onun sözlərinə görə, çətinliklərə baxmayaraq, Gürcüstan tarazlı siyasət yürütməyə nail oldu: “Bildiyiniz kimi, Azərbaycanla strateji tərəfdaşlığın inkişafı, Ermənistanla tarixi dostluq münasibətlərinin saxlanılması bizim üçün prioritet idi”.