Dağıstan rəhbəri: "YDM-dəki yanğın yaxınlıqdakı obyektdə qeydə alınan partlayışdan sonra baş verib"

Rusiyanın Dağıstan Respublikasının paytaxtı Mahaçqala şəhərində yerləşən yanacaqdoldurma məntəqəsində baş verən yanğın ətrafdakı obyektlərin birində qeydə alınan partlayışla bağlıdır.

"Report" xəbər verir ki, bu barədə respublikanın rəhbəri Sergey Melikov jurnalistlərə bildirib.

Onun sözlərinə görə, ilkin partlayış yeri yanacaqdoldurma məntəqəsi ilə üzbəüzdür.

Dağıstan rəhbəri deyib ki, partlayışın səbəbləri və mahiyyəti müəyyənləşdirilir.

Qeyd edək ki, ötən gün axşam saatlarında Rusiyanın Dağıstan Respublikasının paytaxtı Mahaçqala şəhərində yanacaqdoldurma məntəqəsi yaxınlığında partlayış, daha sonra yanğın baş verib, azı 12 nəfər ölüb, 50-dən artıq nəfər yaralanıb.