CNN: Ukrayna Rusiya təyyarəsini “Patriot”la vurub

Ukrayna Hava Hücumundan Müdafiə Qüvvələri Rusiya məxsus təyyarəni “Patriot” zenit-raket kompleksi vasitəsilə vurub.

“Report” xəbər verir ki, bu barədə CNN məlumat yayıb.

Nəşr qeyd edib ki, adı açıqlanmayan Pentaqon rəsmiləri və ABŞ Konqresinin əməkdaşları son həftələrdə “Patriot”un köməyi ilə düşmənin bombardmançısını vurmağa müvəffəq olduqları barədə məlumat veriblər. CNN xəbər verir ki, digər hava hücumundan müdafiə sistemləri bunun üçün yetərincə uçuş məsafəsinə malik deyil.

“Patriot”un hədəf aldığı Rusiya təyyarəsi Ukrayna hədəflərinə raket zərbələri endirmək üzrə idi”, - nəşr diqqətə çatdırıb.