Çavuşoğlu: "Türkiyə birtərəfli sanksiyaları dəstəkləmir"

"Rəsmi Ankara BMT-nin dəstəyi olmadan müxtəlif dövlətlərə birtərəfli qaydada tətbiq edilən sanksiyaları dəstəkləmir".

“Report” Rusiya KİV-inə istinadən xəbər verir ki, bunu G- 20 ölkələrinin sammitində iştirak etmək üçün Hindistanda səfərdə olan Türkiyənin xarici işlər naziri Mövlud Çavuşoğlu deyib.

Onun sözlərinə görə, Türkiyə öz qərarlarını müstəqil şəkildə qəbul edir: “Biz heç bir birtərəfli sanksiyalara qoşulmuruq, yalnız BMT-nin dəstəyi ilə tətbiq edilən sanksiyaları dəstəkləyirik".