Çavuşoğlu: “Qadınlar və uşaqlar mövzusunda hər zaman həssasıq”

“Qadınlar və uşaqlar mövzusunda hər zaman həssasıq. Əfqanıstanda qadınların bütün haqlarını azad şəkildə istifadə edə bilməsini istəyirik”.

“Report” xəbər verir ki, bu fikirləri Türkiyənin xarici işlər naziri Mövlud Çavuşoğlu “Hürriyet” qəzetinə müsahibəsində Əfqanıstandakı vəziyyəti dəyərləndirərkən bildirib.

O həmçinin “Taliban”la danışıqlar mövzusuna toxunub: “ABŞ “Taliban”la anlaşma imzalayır, problem yoxdur, biz görüşəndə problem var?! Öz maraqlarımız üçün hər kəslə görüşmək lazımdır. Bu, onların idarəetməsini, ideologiyasını mənimsədiyimiz mənasına gəlmir. Çin, Rusiya, İran “Taliban”la görüşür. Hamı praqmatik davranır. Bunlar normal şeylərdir”.