Brüsseldə Avropa İttifaqının regional sabitlikdəki rolu müzakirə olunub

Gürcüstanın xarici işlər naziri İlya Darçiaşvili Brüsseldə Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Jozep Borrellə görüşüb.

“Report”un yerli bürosu xəbər verir ki, bu barədə nazir tviter hesabında yazıb.

Görüşdə Gürcüstanın Aİ-yə inteqrasiyası və bu yolda əldə olunan nailiyyətlər müzakirə olunub.

“Bu kontekstdə Avropa İttifaqının dəstəyinə ümid edirəm. Görüşdə bölgədə təhlükəsizlik mühiti və Aİ-nin regional sabitlikdəki roluna diqqət yetirilib”, - İ.Darçiaşvili yazıb.

Qeyd edək ki, Gürcüstanın XİN başçısı Brüsseldə səfərdədir. O, ikigünlük səfər çərçivəsində Aİ, NATO rəsmiləri və həmkarları ilə görüşlər keçirəcək.