Britaniya kəşfiyyatı: "Ukrayna ordusu Donetsk yaxınlığında Rusiyanın hücumlarını dəf edib"

“Çox güman ki, Ukrayna Rusiyanın Donbasdakı Donetsk şəhəri yaxınlığındakı kiçik miqyaslı hücumlarını uğurla dəf edib”.

“Report” xəbər verir ki, bu barədə Böyük Britaniya Müdafiə Nazirliyi kəşfiyyat məlumatlarına əsasən bildirib.

Qeyd olunub ki, Rusiya qüvvələri dağıdılmış körpüləri kompensasiya etmək üçün yenilərini yaradıb: “Ukraynanın cənubunda işğal edilmiş ərazilərdə Rusiyanın “hakimiyyət orqanları” Moskvanın bölgə üzərindəki nəzarətinin gücləndirilməsinə çalışır. İlin sonunda həmin ərazilərin Rusiyaya birləşdirilməsi üçün referanduma hazırlıq gedir”.

Məlumata görə, Rusiya hazırda işğal olunmuş əraziləri “mülki-hərbi idarə” kimi təsnif edir.