Britaniya kəşfiyyatı: "Rusiyanın Mariupola yanaşması Çeçenistana yanaşması ilə üst-üstə düşür"

“Rusiya komandirləri Mariupolu ələ keçirmək üçün lazım olan vaxtdan çox narahat olacaqlar. Ukraynanın qətiyyətli müqaviməti Rusiya qüvvələrini ciddi şəkildə imtahana çəkərək canlı qüvvə və texnikanın başqa yerlərə irəliləyişini ləngidib”.

“Report” xəbər verir ki, bunu Böyük Britaniya Müdafiə Nazirliyi kəşfiyyat məlumatlarına əsaslanaraq açıqlayıb.

“Mariupolda əhalinin məskunlaşdığı ərazilərin hədəfə alınması Rusiyanın 1999-cu ildə Çeçenistana və 2016-cı ildə Suriyaya yanaşması ilə üst-üstə düşür”, - məlumatda vurğulanıb.