Bolqarıstan Hərbi Hava Qüvvələrinə məxsus “MiQ-29” qırıcı təyyarəsi ölkənin akvatoriyasının üzərində təlim-məşq uçuşu edərkən radarlardan itib.
“Report” “RİA Novosti”yə istinadən xəbər verir ki, məlumatı ölkənin Müdafiə Nazirliyinin mətbuat xidməti yayıb.
Döyüş təyyarəsi ilə əlaqə iyunun 9-da gecə saatlarında kəsilib. Bundan sonra taktiki təlim uçuşları dayandırılıb.
Bolqarıstanın müdafiə naziri Georgi Panayotov hadisə yerinə gedib.
Qırıcının tapılması üçün axtarış aparılır.