Bolnisidə koronavirusa yoluxanların sayı 100-ü ötdü

Gürcüstanda azərbaycanlıların yığcam məskunlaşdığı Bolnisi rayonunda daha 12 nəfərin koronavirusa yoluxması təsdiqlənib.

“Report”un yerli bürosu xəbər verir ki, bununla da rayonda COVID-19-a yoluxanların sayı 107-yə çatıb.

Onların 6-sı artıq sağalıb, 2-si isə ölüb.

Bolnisi üzrə karantində 99, özünütəcriddə isə 182 nəfər var.

Qeyd edək ki, son sutka ərzində Gürcüstanda qeydə alınan koronavirusa 27 yeni yoluxma halının 16-sı Kvemo Kartli bölgəsinin payına düşüb.