Blinken: İran regional münaqişələrə deyil, daxili problemlərə diqqət etməlidir

İran hakimiyyəti regional münaqişələrə deyil, daxili problemlərin həllinə və ölkənin inkişafına diqqət etməlidir.

“Report” “ir.voanews.com”a istinadən xəbər verir ki, bunu ABŞ-nin Dövlət katibi Antoni Blinken Nyu-Yorkda keçirilən Beynəlxalq Münasibət Şurasında bildirib.

O, 2024-cü ilin islam respublikası üçün çətin olduğunu qeyd edərək, Tehran hakimiyyətinin regional münaqişələrə deyil, daxili inkişafa diqqət yönəltməsinin vacibliyi qeyd edib.

ABŞ-nin Rusiya, Şimali Koreya və İran kimi düşmənləri arasında artan ittifaqdan danışan Antoni Blinken bu birliyi “rahat evlilik” adlandırıb: “Ancaq bu, onları daha az təhlükəli etmir”.