Belarusun Ukrayna ilə sərhəd vilayətindəki neft emalı zavodunda yanğın olub

Belarusun Mozırsk neft emalı zavodunda yanğın olub.

“Report” xəbər verir ki, bu barədə məlumatı Belarusun Fövqəladə Hallar Nazirliyi yayıb.

Bildirilib ki, yanğın Qomel vilayətinin Mozırsk şəhərindəki “Mozırsk Neft Emalı Zavodu” Açıq Səhmdar Cəmiyyətinin ərazisində qeydə alınıb.

Xilasedicilər benzin istehsalı bölməsinin klapanında yaranan yanğını söndürüblər.

Məlumata görə, hadisə nəticəsində ölən və yaralanan yoxdur. Yanğının səbəbi araşdırılır.

Qeyd edək ki, Qomel vilayəti Ukrayna ilə sərhəddə yerləşir.