Belarusda hərbi təyyarə qəzaya uğrayıb, 2 pilot ölüb

Belarusun Baranoviç şəhəri yaxınlığında hərbi təyyarənin qəzaya uğraması nəticəsində iki pilot ölüb.

“Report” “RİA Novosti”yə istinadən xəbər verir ki, məlumatı ölkənin Müdafiə Nazirliyi yayıb.

“Baranoviç yaxınlığında Lid hücum aviabazasına məxsus “Yak-130” hərbi təyyarəsi qəzaya uğrayıb. Təəssüf ki, təyyarədəki hər iki pilot həlak olub”, - nazirlik bildirilib.

Hadisə nəticəsində başqa qurbanın və dağıntının olmadığı qeyd edilib.