Belarus ordusu Ukrayna ilə sərhəddə hərbi təlimlərə başlayıb

Belarus ordusu sentyabrın 8-də təlimlərə başlayıb.

“Report” xəbər verir ki, bu barədə ölkənin Müdafiə Nazirliyindən bildirilib.

Təlimlər Ukraynanın şimal vilayətləri ilə sərhəddə keçirilir.

Təlimlərdə şərti olaraq düşmənin tutduğu ərazilərin azad edilməsi ilə bağlı tapşırıqlar icra olunacaq. Bundan başqa, təlim proqramına dövlət sərhədində nəzarətin bərpası, quru qoşunlarının havadan dəstəklənməsi, o cümlədən hərbi vəziyyətin təmin edilməsi, düşmənin təxribat-kəşfiyyat qrupları və qeyri-qanuni təxribat qrupları ilə mübarizə məsələləri daxildir.

Təlimlər sentyabrın 14-nə qədər davam edəcək.