Ukraynanın XİN başçısı: "Bayden ABŞ-ın ölkəmizi sarsılmaz dəstəkləyəcəyini bildirdi"

ABŞ Prezidenti Cozef Bayden Ukraynanın xarici işlər və müdafiə nazirləri Dmitri Kuleba ilə Aleksey Reznikovla görüşü zamanı əmin edib ki, Birləşmiş Ştatlar bu ölkəyə qələbə çalana qədər hər şeydə sarsılmaz dəstək verəcək.

"Report" xəbər verir ki, bu barədə Kuleba şənbə günü feysbukdakı canlı yayımda bildirib.

"Prezident Baydenin vədləri ABŞ-ın bizim qələbəmizə qədər hər şeydə, tam hər şeydə Ukrayna ilə sarsılmaz olacağı ilə bağlıdır. Heç nə ABŞ-ı Ukraynadan üz döndərməyə və ya Ukraynaya dəstəyi zəiflətməyə məcbur etməyəcək, əksinə, bu dəstək yalnız böyüyür”, - Ukrayna rəsmisi deyib.