Batumi meri istefa verdi

Gürcüstanın Acarıstan Muxtar Respublikasının paytaxtı Batumi şəhərinin meri Laşa Komaxidze istefa verib.

“Report”un Gürcüstan bürosunun məlumatına görə, bu barədə o özü jurnalistlərə bildirib.

Lakin L.Komaxidze istefa səbəbini açıqlamayıb.

Qeyd edək ki, L.Komaxidze 2017-ci ildə Batuminin meri seçilib. Bundan öncə o, Acarıstanın kənd təsərrüfatı naziri olub.