Baş nazir: “Ukrayna hərbçiləri bir neçə həftəyə “Abrams” tanklarını idarə etməyi öyrənəcək”

“Ukrayna hərbçilərinə ABŞ istehsalı olan “Abrams” tanklarının idarə edilməsini öyrənmək aylar deyil, cəmi bir neçə həftə lazım olacaq”.

“Report” xəbər verir ki, bunu Ukraynanın Baş naziri Denis Şmıqal “Politico” nəşrinə müsahibəsində deyib.

“Doğrudur, hərbçilər üçün “Abrams” tanklarının idarə edilməsi məqsədilə keçirilən təlimlər aylar çəkir. Amma ABŞ ukraynalılara sürətli tank hazırlığı proqramı keçmək qərarına gəlib”, - o vurğulayıb.

Nəşrin məlumatına əsasən, Kiyev ABŞ tanklarını yalnız bir neçə aydan sonra alacaq.