Baş nazir: “Gürcüstan bölgədə sabitliyi təmin etmək potensialına malikdir”

“Avropa İttifaqı və regional tərəfdaşlarla əlaqələri dərinləşdirməklə Gürcüstanın öz təhlükəsizliyini möhkəmləndirmək, bölgədə və onun hüdudlarından kənarda sülh və sabitliyi təmin etmək potensialı var”.

“Report”un yerli bürosu xəbər verir ki, bunu Bratislavada keçirilən “GLOBSEC 2022” Qlobal Təhlükəsizlik Forumunda iştirak edən Gürcüstanın Baş naziri İrakli Qaribaşvili tviter hesabında yazıb.

Foruma qatılmağından məmnunluq ifadə edən hökumət başçısı məhsuldar müzakirələr və görüşlər gözlədiyini qeyd edib.