Bakı. 18 yanvar. REPORT.AZ/ Beynəlxalq Atom Enerjisi Agentliyinin (BAEA) baş direktoru Yukiya Amano Tehrana gəlib. "Report" AFP agentliyinə istinadən xəbər verir ki, səfərin məqsədi İran prezidenti Həsən Ruhani ilə danışıqlar aparmaqdır.
Agentliyin məlumatına görə, Y.Amano həmçinin İranın Atom Təşkilatının rəhbəri Əli Əkbər Salehi ilə görüşəcək. Görüşün məqsədi rəsmi Tehranın "altılıq"la razılaşma çərçivəsində yerinə yetirməli olduğu öhdəliklərin monitorinqinin müzakirəsidir.