Azərbaycan hərbçiləri Gorus-Qafan avtomobil yoluna nəzarət edir

"Çiçəklənən Ermənistan" parlament fraksiyasının deputatı Naira Zohrabyan özünün feysbuk səhifəsində Gorus-Qafan avtomobil yolunda Azərbaycan hərbçilərinin nəzarət etdiyini əks etdirən videogörüntü paylaşıb.

Bu barədə “Report” Ermənistan mətbuatına istinadən xəbər verir.

O, qeyd edib ki, həmin yol Azərbaycan hərbçilərinin nəzarəti altındadır.

Qeyd edək ki, ötən gün Ermənistanın baş naziri Nikol Paşinyan videomüraciətində bildirib ki, hazırda sərhədlərin müəyyənləşdirilməsi aparılır, erməni sərhədçiləri yalnız beynəlxalq səviyyədə tanınmış sərhədlərdə yerləşdiriləcək.