Avropa İttifaqı Rusiyanın vəzifəli şəxslərinə qarşı sanksiyaların müddətini uzadıb

Avropa İttifaqı Rusiyanın ayrı-ayrı vəzifəli şəxslərinə qarşı fərdi sanksiyaların müddətini uzadıb.

“Report” TASS-a istinadən xəbər verir ki, bu barədə Avropa İttifaqının Şurası qərar qəbul edib.

Qərara görə, sanksiyaların müddəti 2020-ci ilin mart ayınadək artırılıb.

Ukraynanın ərazi bütövlüyünə, suverenliyinə və müstəqilliyinə xələl gətirən və ya təhdid yaradan hərəkətlərə görə məhdudlaşdırıcı tədbirlər daha altı ay müddətinə, 2020-ci il martın 15-dək uzadılıb. Sanksiya Rusiyanın 170 fiziki və 44 hüquqi şəxsinə şamil olunub.