Aşqabadda MDB ölkələrinin baş nazirlərinin iclası keçirilir

Türkmənistanın paytaxtı Aşqabadda MDB ölkələrinin Hökumət Başçıları Şurasının növbəti iclası keçirilir.

“Report” bu barədə TASS-a istinadən xəbər verir.

Bu iclasda MDB ölkələrinin baş nazirləri ticari-iqtisadi əməkdaşlığı, o cümlədən enerji, sənaye və digər sahələrdə əməkdaşlığın genişləndirilməsini müzakirə edəcəklər.

MDB Baş katibinin müavini səlahiyyətlərini icra edən Nurlan Seytimov bildirib ki, hazırda 12 məsələ müzakirəyə çıxarılır və birgə sənədlər də imzalanacaq.