Arkadi Voloj "Yandex"in baş direktoru vəzifəsindən istefa verib

"Yandex" şirkətlər qrupunun baş direktoru və direktorlar şurasının üzvü Arkadi Voloj vəzifəsini tərk edir.

"Report" TASS-a istinadən xəbər verir ki, bu barədə şirkətin mətbuat xidməti məlumat yayıb.

Məlumata görə, Voloj Avropa İttifaqının Rusiyanın 18 hüquqi və 65 fiziki şəxsi qara siyahısına salması fonunda istefa verib.

Bununla belə, ona qarşı tətbiq edilən məhdudlaşdırıcı tədbirlər "Yandex"in törəmə şirkətlərinə şamil edilmir.

Voloja qarşı şəxsi sanksiyalar tətbiq edildikdən sonra şirkətlər qrupunun Direktorlar Şurası adi qaydada fəaliyyətini davam etdirir.