Altayda helikopterin qəzaya uğraması nəticəsində yaralananların sayı 10-a çatıb - YENİLƏNİB

Rusiyanın tərkibində olan Altay Respublikasında Mi-8 helikopterinin qəzaya uğraması nəticəsində xəsarət alanların sayı 10 nəfərə çatıb.

“Report” “İnterfaks”a istinadən xəbər verir ki, bu barədə respublikanın Ust-Koksinski rayonunun administrasiyası məlumat yayıb.

Xəsarət alanların yaxınlıqdakı xəstəxanaya yerləşdiriləcəyi bildirilir.

Xatırladaq ki, hadisə nəticəsində 6 nəfər ölüb. Qəzaya səbəb elektrik naqillərində yaranan nasazlıq olub. Ölənlərin mülki şəxs və ya hərbçi olduğu bilinmir.

Rusiyanın tərkibində olan Altay Respublikasında Mi-8 helikopteri qəzaya uğrayıb.

“Report” TASS-a istinadən xəbər verir ki, hadisə nəticəsində 6 nəfər ölüb, 7 nəfər yaralanıb.

Qəzaya səbəb elektrik naqillərində yaranan nasazlıq olub.

Ölənlərin mülki şəxs və ya hərbçi olduğu bilinmir.