AK Partinin İstanbul bələdiyyəsi sədrliyinə namizədi açıqlanıb

Türkiyənin hakim Ədalət və İnkişaf Partiyasının (AK Parti) İstanbul Böyükşəhər Bələdiyyəsi sədrliyinə namizədi məlum olub.

“Report” xəbər verir ki, bu barədə Türkiyə Prezidenti Rəcəb Tayyib Ərdoğan hakim partiyanın şəhər başçılığına namizədin təqdimat mərasimində çıxışı zamanı deyib.

O, namizədin millət vəkili Murat Kurum olduğunu deyib.

Qeyd edək ki, M.Kurum daha əvvəl ölkənin şəhərsalma və iqlim dəyişikliyi naziri vəzifəsində çalışıb.

Xatırladaq ki, Türkiyədə bələdiyyə seçkiləri bu ilin mart ayında keçiriləcək.