Aİ nümayəndəsi Ermənistan Baş nazirinin müavini ilə kommunikasiyaların açılmasını müzakirə edib

Ermənistan Baş nazirinin müavini Mher Qriqoryan Avropa İttifaqının Cənubi Qafqaz və Gürcüstanda böhran üzrə təmsilçisi Toivo Klaarla görüşüb.

“Report “Sputnik Armeniya”ya istinadən xəbər verir ki, bu barədə Ermənistan hökumətinin Mətbuat Xidməti məlumat yayıb.

Bildirilib ki, tərəflər regionda kommunikasiyaların açılması məsələsini müzakirə ediblər. Həmçinin qarşılıqlı maraq doğuran bir sıra məsələlərilə bağlı fikir mübadiləsi aparılıb.

Görüşdə Aİ-nin Ermənistandakı nümayəndəliyinin rəhbəri Andrea Viktorin də iştirak edib.

Xatırladaq ki, fevralın əvvəlində M.Qriqoryan, Rusiya Baş nazirinin müavini Aleksey Overçuk və Rusiya Dəmir Yollarının rəhbəri Oleq Belozerov ilə regionda dəmiryolu əlaqəsinin bərpası məsələlərini müzakirə ediblər.