AEBA Türkiyəyə texniki yardım göndərə bilər

“Təcili yardım və texniki dəstəklə bağlı Türkiyə hökuməti ilə əlaqə saxlayırıq”.

“Report” xəbər verir ki, bunu Atom Enerjisi üzrə Beynəlxalq Agentliyin (AEBA) Baş direktoru Rafael Qrossi tviterdə yazıb.

O, Türkiyədəki zəlzələ nəticəsində həlak olanların ailələrinə başsağlığı verib.

Qeyd edək ki, fevralın 6-da səhər saatlarında Türkiyədə 7.4 maqnitudalı gücündə zəlzələ olub. Nəticədə 284 nəfər ölüb, 2323 nəfər yaralanıb. 1710 bina dağılıb.