ABŞ səfiri Türkiyə XİN-ə çağırılıb

Amerika Birləşmiş Ştatlarının Türkiyədəki səfiri Devid Satterfild Türkiyənin Xarici İşlər Nazirliyinə çağırılıb.

Bu barədə "Report" Türkiyə XİN-ə istinadən məlumat verir.

Səfirə ABŞ prezidenti Co Baydenin qondarma “erməni soyqırımı”ilə bağlı bəyanatına ölkənin reaksiyası çatdırılıb.

Diplomat Türkiyə XİN başçısının müavini Sedat Ünal tərəfindən qəbul edilib.

Tarixi və hüquqi baxımdan heç bir əsası olmayan açıqlamanın qəbul edilməzliyi, bütünlüklə rədd edilməsi və ən sərt şəkildə qınanıldığı ifadə edilib.

Baydenin bəyanatının beynəlxalq hüquq baxımından etibarsız olduğu və münasibətlərə bərpası çətin zərbə vurduğu qeyd edilib.