ABŞ-ın Türkiyədəki səfirliyi martın 7-də işini bərpa edəcək

ABŞ-ın Türkiyədəki səfirliyi martın 7-də işini bərpa edəcək Səfirlik martın 5-də təhlükəsizlik məqsədi ilə fəaliyyətini müvəqqəti dayandırıb
Region
6 Mart , 2018 21:33
ABŞ-ın Türkiyədəki səfirliyi martın 7-də işini bərpa edəcək

Bakı. 6 mart. REPORT.AZ/ ABŞ-ın Ankaradakı səfirliyi öz işini tam həcmdə martın 7-də bərpa edəcək.

“Report” TASS-a istinadən xəbər verir ki, bu barədə çərşənbə axşamı Amerika diplomatik nümayəndəliyinin rəsmi təmsilçisi Devid Qeynerə istinadən "Sabah" nəşri yazıb.

"ABŞ-ın Ankaradakı səfirliyi sabah normal rejimdə işləməyə və xidmət göstərməyə başlaycaaq. Biz Türkiyə polisinə göstərdiyi dəstəyə və əmlak və əməkdaşlarımızın təhlükəsizliyinin təmin olunmasında etdiyi köməkliyə görə minnətdarıq", - deyə nəşr onun sözlərini sitat gətirir.

Birləşmiş Ştatların Türkiyədəki səfirliyi martın 5-də təhlükəsizlik məqsədi ilə fəaliyyətini müvəqqəti dayandırıb.

Orphus sistemi