Yunanıstan XİN başçısı: “Ermənistan və Azərbaycan üçün davamlı sülh prioritet olmalıdır”

“Ermənistan və Azərbaycan üçün regionda davamlı sülh prioritet olmalıdır”.

“Report” Ermənistan KİV-ə istinadən xəbər verir ki, bunu Yunanıstanın xarici işlər naziri Yorqos Qerapetritis İrəvanda erməni həmkarı Ararat Mirzoyanla keçirdiyi brifinqdə deyib.

“Yunanıstan Cənubi Qafqazdakı prosesləri diqqətlə izləyir. Yunanıstan hesab edir ki, sülh prosesi fundamental prinsiplər əsasında irəliləməlidir. Biz dialoqu dəstəkləyirik. Hər iki tərəf üçün prioritet qonşu ölkələr arasında uzunmüddətli sülh və dostluq münasibətlərinin yaradılması olmalıdır”, - Yunanıstan XİN başçısı vurğulayıb.