Sentyabrın 27-dən ANAMA-ya daxil olan çağırışların sayı açıqlanıb

Sentyabrın 27-dən oktyabrın 8-nə kimi Daxili İşlər Nazirliyinin 102 və Fövqəladə Hallar Nazirliyinin 112 - Zəng Mərkəzindən Agentliyə 402 çağırış edilib, 366 əməliyyat çıxışı icra olunub.

"Report"un məlumatına görə, bu fikirləri Azərbaycan Respublikasının Minalardan Təmizlənməsi üzrə Milli Agentliyinin (ANAMA) əməliyyatlar üzrə meneceri Elnur Qasımov deyib.

Onun sözlərinə görə, bu çıxışlar hər dəqiqə dəyişir: “Çünki agentliyin qrupları kiçik bölmələr şəklində yaşayış məntəqələrində, şəhərlərdə çağırışlara cavab olaraq dərhal həmin əraziyə gedir. Onları təhlükəyə məruz qoyacaq obyektlərin götürülməsi və zərərsizləşdirilməsi işləri gedir”.