Şəhidlər İkinci Fəxri Xiyabanda dəfn edilir

Ermənistan Silahlı Qüvvələrinin Azərbaycanla sərhəddə törətdiyi son təxribat nəticəsində şəhid olan Silahlı Qüvvələrimizin hərbçiləri İkinci Fəxri Xiyabanda dəfn olunur.

“Report” xəbər verir ki, şəhidimiz Mehbalı Fərid Kəmaləddin oğlunun nəşi torpağa tapşırılıb. 

İzdihamlı mərasimdə şəhidlərin ailə üzvləri, həbrçilər, ictimaiyyət nümayəndələri iştirak edir.

Qeyd edək ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.