Şəhid Azər Məmmədov Qazaxda dəfn olunub

Ermənistanın təxribatları nəticəsində şəhid olan Azərbaycan Silahlı Qüvvələrinin hərbi qulluqçusu Qazaxda dəfn olunub.

"Report"un Qərb bürosunun məlumatına görə, Qazax rayon Kəmərli kənd sakini, 1993-cü il təvəllüdlü Azər Mustafa oğlu Məmmədovla Qazax rayon Kəmərli kəndində, ailəsinin yaşadığı evin önündə vida mərasimi keçirilib.

Vida mərasimində şəhidin yaxınları ilə yanaşı, ictimaiyyət nümayəndələri, Qazax sakinləri və hüquq mühafizə orqanlarının əməkdaşları iştirak edib. Şəhid Kəmərli kənd Qəbiristanlığında olan Şəhidlər Xiyabanında dəfn olunub.

Allah rəhmət eləsin!