Şefik Caferoviç: "Qarabağla əlaqəli razılaşmalar regionun reinteqrasiyasına töhfə verəcək"

"2020-ci il 10 noyabr tarixli üçtərəfli bəyannamənin imzalanması münasibətilə sizi təbrik edirəm. Əminəm ki, bu razılaşmalar bütün regionun reinteqrasiyasına töhfə verəcək".

“Report” xəbər verir ki, bunu Bosniya və Herseqovinanın Rəyasət Heyətinin üzvü Şefik Caferoviç VIII Qlobal Bakı Forumunun açılışında bildirib.

O, bir sıra aktual məsələlərin həlli üzrə qlobal platformaya çevrilmiş bu cür vacib forumda çıxış etməkdən çox məmnun olduğunu söyləyib.

“Koronavirus bütün ölkələrə təsir edib, dünya dəyişib və daha əvvəlki kimi olmayacaq. Hələ pandemiyaya son qoyulmayıb. Vaksinləmə prosesinin davam etməsinə rəğmən hələ də gələcəyimizin necə olacağı barədə düşünürük”, - Şefik Caferoviç deyib.

O, bu təhlükə ilə birgə mübarizə məqsədilə ortaq mexanizmlərin işlənib hazırlanmasının zəruriliyini vurğulayıb.