Qarabağın işğaldan azad olunması Cəlilabadda belə qeyd olundu

Azərbaycanın işğal altında olan torpaqlarının azad edilməsi Cəlilabad rayonunda təntənəli şəkildə qeyd olunub.

"Report"un Muğan bürosunun məlumatına görə, Azərbaycanın ərazi bütövlüyünün təmin edilməsi münasibətilə rayonun Seyidbazar kənd sakinləri tərəfindən maraqlı təşəbbüs irəli sürülüb.

Belə ki, kəndin ən hündür yerində Azərbaycanın Dövlət Bayrağı ucaldılıb. Azərbaycan Bayrağı Dövlət Himninin müşayiətilə qaldırılıb.

Uzunluğu 6, eni 3 metr olan bayraq 17 metr hündürlüyündədir.