“İndi Zəngilanın gözəl təbiətini seyr edirik. Görün necə gözəl yerlərdir. İndi isə Zəngilandan Bakıya qayıdırıq.
Qubadlı, Zəngilan rayonlarında olarkən bir daha gördük ki, vəhşi düşmən bizım şəhər və kəndlərimizi nə günə qoyub. Otuz il ərzində işğal altında olan torpaq öz sahiblərinə qayıdıb. Biz qayıtmışıq, düşməni məhv edərək, zəfər çalaraq qayıtmışıq və bir müddətdən sonra həyat tam bu bölgəyə qayıdacaq inşallah!”.
“Report” xəbər verir ki, bu sözləri Azərbaycan Respublikasının Prezidenti İlham Əliyev Qubadlı və Zəngilan rayonlarına səfərdən qayıdarkən deyib.
Qeyd edək ki, dövlət başçısının videogörüntüsünü Azərbaycan Respublikasının Birinci vitse-prezidenti Mehriban Əliyeva özünün instaqram səhifəsində paylaşıb.